Սպերցյանը ՌՊԼ-ի մրցաշրջանի աշնանային հատվածի լավագույն խաղացողն է․ Կեչինով

Մոսկվայի «Սպարտակի» կազմում Ռուսաստանի վեցակի չեմպիոն Վալերի Կեչինովը Матч ТВ-ի հետ զրույցում «Կրասնոդարի» կիսապաշտպան Էդուարդ Սպերցյանին անվանել է ՌՊԼ-ի մրցաշրջանի առաջին հատվածի լավագույն ֆուտբոլիստ։

«Սովորաբար լավագույն խաղացողներին ընտրում են մրցաշարային աղյուսակի վերին հատվածում գտնվող թիմերից: Կցանկանայի նշել Ջոն Կորդոբային, սակայն ինձ դուր չի գալիս նրա պահվածքը, այն չի համապատասխանում նրա խաղին: Թեպետ Կորդոբան իսկապես առանձնանում է և թիմին առաջ տանում:

Որպես լավագույն՝ կնշեմ Սպերցյանին: Նա «Կրասնոդարի» առաջատարն է և արդեն երկրորդ մրցաշրջանն անընդմեջ շատ վստահ խաղ է ցուցադրում: Նրա շնորհիվ թիմը հարձակման գծում բազմաթիվ պահեր է ստեղծում, իրացնում դրանք և արդյունքի հասնում»,- ասել է Կեչինովը Матч ТВ-ին: