Մխիթարյանին զգուշացրել էին, որ չպարզի Հայաստանի դրոշը հաղթանակի դեպքում. ՀՖՖ փոխնախագահը` CNN-ին

Հայաստանի ֆուտբոլի ֆեդերացիայի նախագահի առաջին տեղակալ Արմեն Մելիքբեկյանը հարցազրույց է տվել CNN-ին, որի ընթացքում խոսել է Հայաստանի ազգային հավաքականի ավագ ու «Արսենալ»-ի կիսապաշտպան Հենրիխ Մխիթարյանի` «Չելսի»-ի դեմ Բաքվում կայանալիք` Եվրոպայի լիգայի եզրափակիչ խաղին չմեկնելու որոշման մասին:

«Մեր տեղեկությամբ` Մխիթարյանին «խորհուրդ» են տվել Բաքվում չցուցադրել Հայաստանի դրոշը, եթե «Արսենալը» հաղթի եզրափակիչում: Դա անընդունելի է: Ինչպես հիշում եք, Հենրիխը Հայաստանի դրոշով էր Ստոկհոլմում կայացած 2017 թվականի Եվրոպա լիգայի եզրափակիչից հետո: Եթե մենք խոսում ենք անվտանգության մասին, ապա դա վերաբերում է նաև այն դեպքերին, երբ պատրաստվում ես ցուցադրել քո դրոշը»,- ասել է Մելիքբեկյանը:

Տեսանյութն` այստեղ: