Բռնցքամարտի հավաքականը Գյումրիում է. ֆեդերացիան զգուշացնում է ՀԱՕԿ-ին

Հայաստանի բռնցքամարտի ֆեդերացիան հայտարարություն է տարածել ֆեյսբուքյան էջում.

«ՀԱՕԿ-ի որոշումից հետո, թե Հայաստանի ազգային հավաքականի ծաղկաձորյան ուսումնամարզական հավաքին պետք է մասնակցեն մարզիկներ եւ մարզիչներ որոնք չեն հանդիսանում հավաքական թիմի անդամ, դժգոհություն է առաջացրել հավաքականի մարզիկների շրջանում: 
Այդ պատճառով որոշում է կայացվել Ծաղկաձորում նախատեսված հավաքը տեղափոխել այլ վայր: Հավաքականի գլխավոր մարզիչ Ռուդիկ Մկրտչյանի եւ երկրորդ մարզիչ Վահան Ադիլխանյանի գլխավորությամբ մեր մարզիկները Գյումրիում կնախապատրաստվեն Եվրոպական խաղերին: Հիշեցնում ենք, որ սա այն հավաքականն է, որն իրեն լավագույնս է դրսեւորել բոլոր միջազգային մրցաշարերում: 
Հայաստանի բռնցքամարտի ֆեդերացիան եւս մեկ անգամ հայտարարում է. անթույլատրելի ենք համարում ցանկացած միջամտում եւ խոչընդոտ մարզիչների եւ մարզիկների աշխատանքին՝ հատկապես այս կարեւոր փուլում»: