Պուտինը պետք է անի առաջին քայլը. Զուրաբիշվիլի

 Վրաստանի նախագահ Սալոմե Զուրաբիշվիլին Էստոնիայի Հանրային հեռուստատեսությանը տված հարցազրույցում հայտարարել է, որ ՌԴ նախագահ Վլադիմիր Պուտինի հետ երկխոսություն չի ունենա, այլ միայն կհիշեցնի նրան, որ խախտել է իր բոլոր պարտավորությունները. հայտնում է 1tv.ge-ն:

Լրագրողի հարցին` ի՞նչ կասեր նա  Ռուսաստանի նախագահին, Զուրաբիշվիլին պատասխանել է. «Հետաքրքիր է, թե ինչ կպատասխաներ Պուտինը: Նա պետք է անի առաջին քայլը: Այժմ եվրոպական բոլոր գործընկերների՝ Ռուսաստանի հետ հարաբերություններում ունեցած խնդիրն այն է, որ Ռուսաստանն իրեն ճիշտ չի պահում  միջազգային հանրության շրջանակում և ոչ ոքի չի հարգում: Դա վերաբերում է ոչ միայն Վրաստանին, այլև ընդհանրապես Ռուսաստանի պահվածքին: Ի՞նչ  տեսակի  երկխոսություն կարող է լինել նման պայմաններում: Ես երկխոսություն չեմ ունենա Պուտինի հետ»: