Վրաստանում ԱՄՆ-ի ռազմաբազայի կառուցումը կդիտարկվի որպես սադրանք. Զուրաբիշվիլի

Վրաստանում ամերիկյան ռազմաբազայի կառուցումը նպատակահարմար չէ, դա կարող է ընկալվել որպես սադրանք: Այդ մասին հայտարարել է Վրաստանի նախագահ Սալոմե Զուրաբիշվիլին «Ամերիկայի ձայն»-ի վրացական ռադիոկայանին տված հարցազրույցում. հայտնում է ТАСС-ը:

«Ես խորհուրդ չէի տա անել դա: Երկիրը գտնվում է այնպիսի վայրում, որտեղ անհրաժեշտ է ուժեղացնել անվտանգությունը: Կարիք չկա անել քայլեր, որոնք կարող են ընկալվել որպես սադրանք: Բացի այդ` չեմ կարծում, որ ԱՄՆ-ը պատրաստ է այստեղ ռազմաբազա ունենալ, որը կգրավի ոչ միայն ՌԴ-ի ուշադրությունը, այլև ահաբեկչական շարժումների, որոնք շատ են մեր տարածաշրջանում»,- մասնավորապես ասել է Զուրաբիշվիլին: