Փաշինյանը կգլորվի դեպի պոպուլիզմ. Նեյթ Շենքան

Հետհեղափոխական Հայաստանում վտանգը միշտ այն է եղել, որ վարչապետ Նիկոլ Փաշինյանը կգլորվի դեպի պոպուլիզմ: Այս մասին իր թվիթերյան միկրոբլոգում գրառում է կատարել Freedom House միջազգային կազմակերպության հատուկ հետազոտությունների տնօրեն Նեյթ Շենքանը։

Նա մասնավորապես նշել է. «Հետհեղափոխական Հայաստանում վտանգը միշտ այն է եղել, որ Փաշինյանը, հնարավորություն չունենալով արագ կամ կայուն կերպով վերափոխելու երկիրը, կգլորվի դեպի պոպուլիզմ, որը նրան բերեց իշխանության։ Այդպես էլ կա»:

Հիշեցնենք, որ երեկ Նիկոլ Փաշինյանը ֆեյսբուքյան իր էջում գրառում էր կատարել՝ կոչ անելով առավոտյան 8։30-ից փակել հանրապետության բոլոր դատարանների ելքերն ու մուտքերը` այնպես, որ ոչ ոք ներս չմտնի: