Թրամփը վերացրել է Թուրքիայի հետ առևտրի արտոնյալ ռեժիմը

ԱՄՆ նախագահ Դոնալդ Թրամփը մայիսի 17-ից վերացրել է Թուրքիայի հետ առևտրի արտոնյալ ռեժիմը` դուրս հանելով նրան զարգացող երկրների ցուցակից, որոնք ներմուծման համար արտոնությունների ծրագրի շահառուներից են: Այս մասին հաղորդում է ՏԱՍՍ գործակալությունը` Սպիտակ տան մամլո ծառայությանը հղումով:

«Ես եկել եմ այն եզրահանգման, որ, հաշվի առնելով Թուրքիայի տնտեսական զարգացման մակարդակը, ավելի նպատակահարմար կլինի 2019 թ. մայիսի 17-ից չեղարկել Թուրքիայի մատնանշումը որպես զարգացող երկիր-շահառու»,- ասվում է ԱՄՆ նախագահի հայտարարության մեջ:

Հաղորդագրության մեջ նշվում է, որ Թրամփը նախօրոք` մարտի 4-ին, տեղյակ էր պահել իր որոշման մասին ԱՄՆ Կոնգրեսին և Թուրքիային:

Նշենք, որ 1973 թ. ստեղծված արտոնությունների այդ ծրագրին Թուրքիան անդամակցում էր 1974 թվականից: