Ինտերնետային լրատվամիջոցներին զուգահեռ՝ ռադիոն շարունակում է համարվել լրատվության անփոխարինելի միջոց. ՄԻՊ

ՀՀ Մարդու իրավունքների պաշտպանը ռադիոյի օրվա առիթով շնորհավորել է ոլորտի բոլոր աշխատակիցներին:

Նա մասնավորապես նշել է.

Ռադիոյի սիրելի´ աշխատակիցներ,

Սրտանց շնորհավորում եմ բոլորիդ ռադիոյի օրվա առթիվ:

Տեղեկատվական տեխնոլոգիաների արագ զարգացման և ինտերնետային լրատվամիջոցների բազմազանությանը զուգահեռ՝ ռադիոն շարունակում է համարվել զանգվածային լրատվության կարևորագույն և անփոխարինելի միջոց:

Կարևոր է ռադիոյի դերը հանրությանն իրազեկելու ու նրանց իրավագիտակցության բարձրացնելու հարցում: Հետևաբար, յուրաքանչյուրս պարտավոր ենք մեր ամենօրյա աշխատանքով նպաստել լրագրողի դերի բարձրացմանն ու պաշտպանված մասնագիտական աշխատանքի երաշխավորմանը:

Ռադիոյի օրվա առթիվ ձեզ մաղթում եմ անխափան եթեր և նորանոր ձեռքբերումներ՝ ձեր այս կարևոր ու պատասխանատու գործում:

Արման Թաթոյան

ՀՀ մարդու իրավունքների պաշտպան