Ասորական կազմակերպությունները կոչ են արել Թուրքիային` ճանաչել ցեղասպանությունները

Շվեդիայի մայրաքաղաք Ստոկհոլմում 1915 թ. տեղի ունեցած ցեղասպանությունների վերաբերյալ կազմակերպված համաժողովում ասորական կազմակերպությունները և գիտնականները Թուրքիայից պահանջել են ճանաչել հայերի, ասորիների և հույների նկատմամբ կատարված ցեղասպանությունները. հաղորդում է evrensel.net կայքը:

Համաժողովին մասնակցել են ինչպես ասորի քաղաքական-հասարակական գործիչներ, ցեղասպանությունից փրկվածներ և փրկվածների ժառանգներ, այնպես էլ շվեդ քաղաքական գործիչներ, լրագրողներ:

Իր ելույթում պատմաբան Դեյվիդ Գաանտը նշել է, որ պատմաբանների մեծամասնությունը միակարծիք է 1915 թ. տեղի ունեցած դեպքերի վերաբերյալ:

Շվեդիայի խորհրդարանի հայազգի նախկին պատգամավոր Մուրադ Արթինն իր հերթին տեսակետ է հայտնել, որ եթե Թուրքիան առերեսվի սեփական պատմությանը, ավելի շատ կշահի: