Իտալացի պատգամավորը կոշտ քննադատության է ենթարկել Թուրքիային և կոչ արել ճանաչել Հայոց ցեղասպանությունը

Կառավարական կոալիցիայի մաս կազմող «Լիգա» կուսակցության գլխավոր քարտուղար Մատեո Սալվինին, որը հայտնի է իր հայամետ դիրքորոշմամբ, Իտալիայի Սենատում ունեցած ելույթում հիշել է Հայոց ցեղասպանությունը:

«Ճիշտ է, որ դուք փորձում եք հրաշքով ստիպել թուրքական ռեժիմին՝ իրեն լավ պահել, բայց ես ուզում եմ հիշեցնել, որ քանի դեռ այդ ռեժիմը վերացնում է ոչ միայն կանանց իրավունքները, այլև ցանկացած ազատություն, նույնիսկ՝ պատմական ճշմարտություն, մինչև մենք արդարության չհասնենք հայերի համար, և Հայոց ցեղասպանությունը չճանաչվի, չեմ կարծում, որ մենք կարող ենք նստել նույն սեղանի շուրջը նրանց հետ, ովքեր բանտարկում են նրանց, ովքեր համարձակվում են հիշել պատմական ճշմարտությունը»,- ասել է Մատեո Սալվինին:

Պատգամավորի ելույթից հետո դահլիճը նրան ծափահարել է։