ԱՄՆ-ն թաքնվում է մամուլի ազատության հետևում. Թուրքիայի նախագահական

Թուրքիայի նախագահի աշխատակազմի հասարակայնության հետ կապերի վարչության պետ Ֆահրեթթին Ալթունը պատասխանել է Թուրքիայում ԱՄՆ դեսպանության տարածած հայտարարությունը, որում նշված էր, որ «ԱՄՆ-ն շարունակելու է կոչ անել Թուրքիային` հարգանք ցուցաբերել խոսքի ազատության, արդար դատական երաշխիքների և դատարանների անկախության նկատմամբ». հաղորդում է sabah.com.tr կայքը:

Ալթունն իր թվիթերյան էջում պատասխանել է այս հայտարարությանը. «Շարունակելու ենք պնդել, որպեսզի ԱՄՆ-ն դադարի թաքնվել խոսքի ազատության հետևում: Վաշինգտոնը, այլ երկրներին մեղադրելու փոխարեն, պետք է կենտրոնանա տևական ժամանակ շարունակվող` ծայրահեղ աղքատության ու ռասայական խտրականության հարցերի վրա»: