Զինծառայողի հրազենային վիրավորում ստանալու հանգամանքները քննվում են ՔԿ-ում

ՀՀ քննչական կոմիտեն քննություն է տանում ապրիլի 30-ին հակառակորդի կրակոցից պայմանագրային զինծառայող Արգիշտի Սեփխանյանի՝ հրազենային վիրավորում ստանալու հանգամանքները պարզելու համար։ 

2019թ. ապրիլի 30-ին՝ ժամը 14:20-ի սահմաններում, ՀՀ ՊՆ N զորամասի պահպանության շրջանի մարտական դիրքի ուղղությամբ հակառակորդի կողմից արձակած կրակոցի հետևանքով գլխի շրջանում հրազենային բեկորային վնասվածք է ստացել պայմանագրային զինծառայող Արգիշտի Սամվելի Սեփխանյանը:

Ա.Սեփխանյանը տեղափոխվել է զինվորական հոսպիտալ, վիճակը գնահատվում է կայուն ծանր:

Դեպքի առթիվ ՀՀ քննչական կոմիտեի ԶՔԳՎ վեցերորդ կայազորային քննչական բաժնում հարուցվել է քրեական գործ՝ ՀՀ քրեական օրենսգրքի 34-104-րդ հոդվածի 2-րդ մասի 13-րդ կետով:

Կատարվում է նախաքննություն: