Արթուր Աջամյանի՝ մահացու հրազենային վիրավորում ստանալու գործով նախաքննություն է ընթանում

Զինծառայողներ Ա.Աջամյանի՝ մահացու հրազենային վիրավորում ստանալու և Դ.Մելիքբեկյանի՝ հրազենային վիրավորումներ ստանալու դեպքի առթիվ հարուցված քրեական գործով նախաքննություն է ընթանում. հայտնում են ՀՀ քննչական կոմիտեից: Այլ նորություններ այս պահի դրությամբ դեռևս չկան:

Ավելի վաղ տեղեկացրել էինք, որ 2019թ. դեկտեմբերի 2-ին՝ ժամը 06:50-ի սահմաններում, ՊԲ N զորամասի պահպանության տեղամասի մարտական դիրքում պարտադիր ժամկետային զինծառայող Արթուր Իշխանի Աջամյանի մահացու հրազենային վիրավորում ստանալու, իսկ պարտադիր ժամկետային զինծառայող Դավիթ Հարությունի Մելիքբեկյանի հրազենային վիրավորումներ ստանալու դեպքի առթիվ երրորդ կայազորային քննչական բաժնում ՀՀ քրեական օրենսգրքի 34-104-րդ հոդվածի 2-րդ մասի 1-ին կետով, այն է՝ երկու կամ ավելի անձանց սպանության փորձ, հարուցվել է քրեական գործ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինակ միավորվելով: