Թուրքիան հրաշալի վճռականություն է ցուցաբերել. ռուս գեներալ

Ռուսաստանը գովեստի խոսքեր է հղել Թուրքիային` վերջին շրջանում ԱՄՆ-ի հետ առաջացած լարվածությունում  նրա որդեգրած դիրքորոշման  համար. Մոսկվայի 7-րդ անվտանգության միջազգային համաժողովից առաջ արած հայտարարել է Ռուսաստանի պաշտպանության փոխնախարար, գեներալ-գնդապետ Ալեքսանդր Ֆոմինը: Այս մասին տեղեկացնում է ensonhaber.com կայքը:

Նա նշել է, որ ԱՄՆ-ի կողմից Ս-400 ՀՕՊ համակարգերի գնման պատճառով գործադրված ճնշումների մթնոլորտում Թուրքիայի դիրքորոշումը մեծ ոգևորություն է առաջացնում: «Մեր թուրք գործընկերներն արժանի են գնահատանքի: Չնայած ԱՄՆ-ի հսկայական ճնշումներին` նրանք հրաշալի վճռականություն և հստակ դիրքորոշում են ցուցաբերում»,- նշել է Ֆոմինը:

Ըստ նրա` Ս-400-ների հանձնումը կիրականանա մոտ ժամանակներս, և երկու երկրները իրականացնելու են նաև այլ համատեղ ծրագրեր: