Թուրքիան պատրաստվում է ընդլայնվել դեպի Ղրիմ. ռուս գեներալ

Թուրքիան ընդլայնում է իր ազդեցությունը Օսմանյան կայսրության նախկին հողերի վրա և Ղրիմը համարում նախկին տարածք: Այս մասին հայտարարել է ՌԴ ՊՆ միջազգային ռազմական համագործակցության գլխավոր տնօրինության նախկին ղեկավար, պաշտոնաթող գեներալ-գնդապետ Լեոնիդ Իվաշովը՝ «Ռոյ TV» ինտերնետային ալիքի եթերում. հաղորդում է PolitNavigator-ի թղթակիցը:

«Թուրքիան Զելենսկիի կառավարության հետ պաշտոնական մակարդակում բանակցություններ է վարում հենց Նովոռոսիայի խնդրի և Ղրիմի խնդրի շուրջ: Ավելին՝ Թուրքիան Ղրիմի մասին խոսում է կարծես չեզոք՝ չճանաչելով այն որպես ռուսական, բայց, միևնույն ժամանակ, չի խոստանում այն վերադարձնել Ուկրաինային: Այսինքն՝ նա խաղում է իր սեփական խաղը:

Թուրքիայի Հանրապետության պաշտոնական փաստաթղթերում գրված է, որ Ղրիմը Օսմանյան կայսրության նախկին տարածքն է: Այնպես որ՝ մենք տեսնում ենք, որ նա չի բավարարվի միայն Ղարաբաղով: Եվ միաժամանակ, պետական մակարդակով, նրանք Ուկրաինայի հետ աշխատում են ինչպես Ղրիմում, այնպես էլ Դոնբասում:

Եվ ահա հաղորդագրությունը. ես դա չգտա պաշտոնական լրատվամիջոցներում, բայց սոցիալական ցանցերում բավականին շատ հաղորդագրություններ կան մինչև տարեվերջ քսան անօդաչու թռչող սարքեր մատակարարելու վերաբերյալ, որոնք հաջողությամբ գործել են Ղարաբաղում», - ասել է Իվաշովը: