Արցախի Չարեքտար գյուղում նոր կրթօջախ է կառուցվում

Արցախի Հանրապետության Շահումյանի շրջանի Չարեքտար գյուղում շարունակվում է նոր դպրոցի և մանկապարտեզի շինարարությունը, որի մեկնարկը տրվել էր 2017 թվականին:

Նոր կրթօջախի ու նախադպրոցական հաստատության համար նախատեսված տարածքը զբաղեցնում է ընդհանուրը` 10 հազար քմ մակերես: Ընդ որում դպրոցի ուսումնական հատվածը կլինի երկհարկանի. տեղեկացնում է «Ապառաժը»:

Ավելացնենք, որ գործող դպրոցը ոչ տիպային, վթարային շենք է, սովորում է 64 աշակերտ: Չարեքտարում մանկապարտեզի տարիքի 47 երեխա կա:

Շինարարությունը կատարում է «Մաքսֆուդ» ՍՊԸ կազմակերպությունը` քաղաքաշինության նախարարության պատվերով, պետական բյուջեի միջոցների հաշվին:

Շահագործումը նախատեսված է հաջորդ տարի: