Թուրքիան ԱՄՆ-ից «Պատրիոտ» համալիրների մատակարարման նոր առաջարկ է ստացել

Թուրքիան ԱՄՆ-ից «Պատրիոտ» զենիթահրթիռային համալիրների մատակարարման նոր առաջարկ է ստացել: Այդ մասին հայտնել է Թուրքիայի ՊՆ ղեկավար Հուլուսի Աքարը` մեկնաբանելով  ԱՄՆ ՊՆ ղեկավարի պաշտոնակատար Փաթրիկ Շենահանի հետ բանակցությունները. հայտնում է РИА Новости-ն:

Աքարն այցով ԱՄՆ-ում է:

««Պատրիոտ» զենիթահրթիռային համալիրի վերաբերյալ բազմափուլ բանակցություններից հետո ԱՄՆ-ը մեզ տվյալ համակարգի գնման նոր առաջարկ է արել, որի կարիքը մենք ունենք:  Այժմ մեր գերատեսչությունները և մասնագետները զբաղվում են առաջարկի մանրամասն ուսումնասիրությամբ: Հենց այդ աշխատանքներն ավարտվեն, մենք արդյունքների մասին անմիջապես կհայտնենք ամերիկացի գործընկերներին»,- ասել է Թուրքիայի պաշտպանության նախարարը: