Թուրքիայում սպասվում է գործազրկության աճ, տնտեսության անկում. ԱՄՀ զեկույց

Արժույթի միջազգային հիմնադրամը «Համաշխարհային տնտեսության վիճակը 2019 թվականի գարնանը» վերնագրով զեկույց է հրապարակել, որում տեղ են գտել նաև Թուրքիայի վերաբերյալ կանխատեսումները. հաղորդում է gazetekarinca.com կայքը:

Ըստ դրա` նախկինում ԱՄՀ կանխատեսած` 0.4 տոկոս տնտեսական աճի փոխարեն նախատեսվում է 2.5 տոկոսանոց անկում: Բացի այդ` հաջորդ տարվա տնտեսական աճի կանխատեսումը 2.6 տոկոսից հասել է 2.5 տոկոսի: 2019 թ. սպասվող 16.7 տոկոսանոց գնաճը հասել է 17.5 տոկոսի: Գործազրկության ցուցանիշը կհասնի 12.7 տոկոսի:

Ըստ զեկույցի` Թուրքիան կարիք ունի միկրոտնտեսության պաշտպանության համար վստահելի և լայնամասշտաբ քաղաքականության: