Եվրոյին լուսավոր ապագա է սպասվում. ԱՄՀ նախագահ

Եվրոպայի եւ նրա ֆինանսական «զավակի»` եվրոյի ապագան երկյուղներ չի առաջացնում: Վիլնյուսի համալսարանում այսպիսի հեռանկար է այսօր նկարագրել Արժույթի միջազգային հիմնադրամի նախագահ Քրիստին Լագարդը:

«Եվրոպային եւ եվրոյի գոտուն սպասվում է լուսավոր ապագա: Խնդիրներ կան, սակայն դրանց մասշտաբները հիմնականում կապված են հանրային տարածքում դրանք կարեւորելու, լարվածության որոշակի հրահրման հետ»,- ասել է նա:

Ըստ Լագարդի` ճիշտ ուղղության վկայությունը ԱՄՀ փորձագետների վերլուծություններն են, որոնց համաձայն` եվրոյի գոտու երկրների տնտեսությունները այս տարի կնվազեն 0,6 տոկոսով, սակայն արդեն հաջորդ տարի կաճեն 0,9 տոկոսով: