Համաշխարհային տնտեսության շարժիչ ուժը 2013-ին կդառնա Չինաստանը. ԱՄՀ

Արժույթի միջազգային հիմնադրամի տնօրեն Քրիստին Լագարդը համոզված է, որ Եվրոպան կկարողանա պատասխանել նոր մարտահրավերներին եւ դուրս կգա փորձություններից ավելի միավորված, քան առաջ էր: Սակայն, ըստ նրա,  համաշխարհային տնտեսության շարժիչ ուժը 2013-ին կդառնա Չինաստանը. տեղեկացնում է Голос России-ն` մեջբերելով Euronews-ին Լագարդի տված հարցազրույցը:

ԱՄՀ նախագահը հայտարարել է, որ Չինաստանն այս տարի կապահովի ՀՆԱ-ի 7-8 տոկոս աճ: Իշխանության եկած առաջնորդների նոր թիմը գիտակցում է երկրի առջեւ ծառացած խնդիրները, մասնավորապես` ծանրության կենտրոնի տեղափոխումը արտահանումից տեղական սպառում, նաեւ տնտեսության «գերթեժացումից» խուսափելու անհրաժեշտությունը:

Ինչ վերաբերում է ԱՄՆ-ին, Լագարդը նշել է, որ աշխատանքի շուկայում բարելավումներ կան, եւ երկրի տնտեսության վերականգնումը կապում  է հենց զբաղվածության մակարդակի հետ: