Ալիև-Փաշինյան հանդիպումը հույս է տալիս, որ երկու երկրները բանակցություններ կվարեն առանց նախապայմանների. Մոգերինի

Ղարաբաղյան կարգավորման շուրջ Հայաստանի վարչապետի և Ադրբեջանի նախագահի միջև Վիեննայի հանդիպման արդյունքներն առաջընթացի հասնելու հույս են տալիս: Այդ մասին ապրիլի 4-ի մամուլի ասուլիսում հայտարարել է Եվրամիության դիվանագիտության ղեկավար Ֆեդերիկա Մոգերինին՝ ամփոփելով ԵՄ-Ադրբեջան ասոցիացիայի խորհրդի՝ Բրյուսելում կայացած նիստի արդյունքները:

«Վիեննայում կայացած` Հայաստանի և Ադրբեջանի ղեկավարների վերջին հանդիպումը դրական էր: Այն, հունվարին փարիզյան համաձայնության, բարձր մակարդակի շփումների, հրադադարի խախտումների զգալի նվազման հետ, որոշակի  հույս է տալիս, որ գործընթացն առաջ կշարժվի, և որ երկու երկրները կհետևեն պարտավորություններին և բանակցություններ կվարեն առանց նախապայմանների»,- ասել է Մոգերինին: