Փաշինյան-Ալիև հանդիպումը հույս է ներշնչում. Մոգերինի

Հայաստանի ու Ադրբեջանի առաջնորդների հանդիպումը Վիեննայում և նրանց` հրադադարը ամրապնդելու պատրաստակամությունը հույս է ներշնչում: Այդ մասին ասվում է ԵՄ դիվանագիտության ղեկավար Ֆեդերիկա Մոգերինիի հայտարարությունում. հայտնում է Спутник-Армения-ն:

«ԵՄ-ն անհամբերությամբ սպասում է հումանիտար միջոցառումներ մշակելու մասին Վիեննայի համաձայնագրի իրականացմանը, ինչպես նաև ժողովուրդներին խաղաղության նախապատրաստելուն, ինչի մասին խոսվել է Հայաստանի և Ադրեջանի ԱԳՆ ղեկավարների` 2019-ի հունվարի 16-ի փարիզյան հանդիպման ժամանակ»,- ասել է նա:

Բրյուսելը նաև իր աջակցությունն է հայտնել ԵԱՀԿ ՄԽ համանախագահների ջանքերին: