Վանա կատուների թիվը տարեցտարի ավելանում է

Ամեն տարի տասնյակհազարավոր տեղացիներ և զբոսաշրջիկներ այցելում են «Վանա կատվի ամառանոց», որտեղ կատուները գտնվում են հատուկ խնամքի տակ: Նրանց թիվը տարեցտարի ավելանում է, որակը` լավանում. հաղորդում է tgrthaber.com.tr կայքը:

Սպիտակ, մետաքսանման մորթիով, առյուծի քայլվածքով, աղվեսի նման երկար և փքված  պոչով, աչքերի տարբեր գույն ունեցող և Վանի խորհրդանիշ համարվող կատուները շարունակում են հետաքրքրել Վան այցելող զբոսաշրջիկներին: Նրանք ամեն տարի ունենում եմ միջինը 3 ձագ: Ըստ Վանա կատուների հետազոտության կենտրոնի տնօրեն Աբդուլլահ Քայայի` Թուրքիայի ամեն տանը բաժին է ընկնում մեկ կատու:

Նշենք, որ Թուրքիայում արգելված է Վանա կատուներ այլ երկրներ տանելը: Երբեմն արգելք է դրվում նույնիսկ Վանի նահանգից դուրս հանելու վրա: Խնդիրն այստեղ ոչ միայն քաղաքական է, քանի որ թուրքերն այն համարում են Թուրքիայի խորհրդանիշերից մեկը, այլև Վանա կատուներն դժվարությամբ են հարմարվում այլ միջավայրի: