Human Rights Watch-ն Ադրբեջանից պահանջել է ազատ արձակել քաղակտիվիստին

Human Rights Watch միջազգային իրավապաշտպան կազմակերպությունը քննադատել է ադրբեջանական իշխանություններին NİDA հասարակական շարժման ակտիվիստ Բայրամ Մամեդովին երկրորդ անգամ ձերբակալելու համար. հաղորդում է «Թուրան» գործակալությունը:

 Մամեդովը բանտից դուրս էր եկել այս տարվա մարտի 16-ին` Իլհամ Ալիևի հայտարարած համաներման շնորհիվ: Այդ ժամանակ մոտ 50 քաղբանտարկյալ ազատ էր արձակվել: Սակայն  դրանից 2 շաբաթ անց Մամեդովին դարձյալ ձերբակալել են թմրանյութ պահելու մեղադրանքով և դատապարտել 10 տարվա ազատազրկման: Բանտից դուրս գալուց հետո Մամեդովը հարցազրույցներից մեկում քննադատել էր իշխանություններին:

«Բայրամ Մամեդովին երկրորդ անգամ ձերբակալելը ցույց է տալիս ադրբեջանական իշխանությունների անհանդուրժողականությունը քննադատության և ազատ խոսքի նկատմամբ: Մամեդովի նոր ձերբակալությունը ստվեր է գցում մինչ այդ հայտարարված համաներման վրա»,- նշված է Human Rights Watch-ի հայտարարության մեջ: