Երկրորդ փուլում Պորոշենկոն ավելի մեծ շանսեր ունի. շտաբ

Ուկրաինայի գործող նախագահ Պյոտր Պորոշենկոն երկրորդ փուլում հաղթելու ավելի մեծ շանսեր ունի, քան շոումեն Վլադիմիր Զելենսկին: Այդ մասին հայտարարել է Պորոշենկոյի նախընտրական շտաբի ներկայացուցիչ Օլեգ Մեդվեդևը: Այդ մասին հայտնում է РИА Новости-ն:

Նրա խոսքով` առաջին փուլում ընտրողներին կարելի է  բաժանել երկու խմբի. մի խումբը քվեարկել է զվարճանքի համար, մյուս խումբը` լուրջ նպատակով:

«Զվարճանքի համար քվեարկածների թիվը սպառվել է: Այժմ կքվեարկեն լուրջ նպատակ հետապնդող մարդիկ, և Պորոշենկոն ավելի մեծ շանսեր ունի»,- ասել է Մեդվեդևը:

Հիշեցնենք, որ Ուկրաինայի Կենտրոնական ընտրական հանձանժողովը մշակել է մարտի 31-ին անցկացված նախագահական ընտրությունների քվեաթերթիկների 45,45% տոկոսը: Շուոմեն Վլադիմիր Զելենսկին հավաքել է ձայների 30,16 տոկոսը, գործող նախագահ Պյոտր Պորոշենկոն` 16,71%-ը, նախկին վարչապետ Յուլյա Տիմոշենկոն` 13,09 տոկոսը, Յուրի Բոյկոն` 11,51%-ը: Մնացած թեկնածուները հավաքել են տասը տոկոսից պակաս: