Փաշինյանն ու Ալիևը մարտի 29-ին Ավստրիայի նախագահի հետ հանդիպում կունենան

Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը մարտի 29-ին հանդիպելու են Ավստրիայի նախագահ Ալեքսանդր Վան դեր Բելենի հետ: Այդ մասին Yerkir.am-ը տեղեկացավ Ավստրիայի նախագահական կայքից:

Ըստ կայքի` Ավստրիայի նախագահականում մարտի 29-ին` ժամը 15.15 և 18.30-ին, նախատեսված են, համապատասխանաբար, Փաշինյանի և Ալիևի ճեպազրույցները: Ենթադրելի է, որ նախքան ճեպազրույցները երկու երկրների ղեկավարները հանդիպում կունենան Ավստրիայի նախագահի հետ: Սակայն դեռևս հայտնի չէ, թե Հայաստանի ու Ադրբեջանի ղեկավարների երկկողմ կամ եռակողմ հանդիպում նախատեսվա՞ծ է, թե՞ ոչ:

Հավելենք, որ, Yerkir.am-ի հարցին ի պատասխան, թե մարտի 29-ին նախատեսվո՞ւմ է, արդյոք, Փաշինյան-Ալիև հանդիպում, վարչապետ Փաշինյանի մամուլի խոսնակը լոյալ պատասխան էր տվել: