Անկարայում մարտի 10-ին տեղի կունենան Իդլիբի վերաբերյալ բանակցությունները

Ռուսական ռազմական պատվիրակությունը սիրիական Իդլիբի վերաբերյալ ձեռք բերված պայմանավորվածությունների կատարման շրջանակում մարտի 10-ին կժամանի Անկարա. այս մասին հայտնում է Թուրքիայի Պաշտպանության նախարարությունը:

Ավելի վաղ Թուրքիայի ՊՆ ղեկավար Հուլուսի Աքարը հայտարարել էր, որ ՌԴ պատվիրակության հետ Անկարայում կքննարկվի Իդլիբում համատեղ պարեկության հարցը, որը պետք է սկսվի մարտի 15-ից:

Մոսկվայում ՌԴ և Թուրքիայի ղեկավարների միջև տեղի են ունեցել բանակցություններ սիրիական Իդլիբի վերաբերյալ: Կողմերն իրենց հավատարմությունն են հայտնել «Աստանայի ձևաչափին» և հայտարարել են հրադադարի մասին: Համաձայնություն է ձեռք բերվել Մ-4 ավտոմայրուղում համատեղ պարեկություն իրականացնելու մասին, որի մի մասն այժմ գտնվում է զինյալների ձեռքում. հայտնում է Yerkir.am–ը: