Վերահաստատվել է Կալիֆոռնիայի, Հայաստանի եւ Արցախի առեւտրային, կրթական ու մշակույթային սերտացման հատուկ հանձնախումբը

Կալիֆորնիայի նահանգային ծերակույտի անդամ Էնթընի Փորթանթինոյի գրասենյակը մարտի 14-ին  տեղեկացրել է, որ Կալիֆոռնիայի Ծերակույտի Իրավական հարցերով հանձնախումբը  վերահաստատել է Կալիֆոռնիայի, Հայաստանի եւ Արցախի առեւտրային, կրթական ու մշակույթային սերտացման հատուկ հանձնախումբը։

2019-2020 տարեշրջանի հանձնախմբի ատենապետն է Փորթանթինոն: Հենց նրա առաջարկով էր 2017-ին կազմվել վերոնշյալ հանձնածումբը: Այս շրջանակում Փորթանթինոն 2018-ի սեպտեմբերին մի շարք  երեսփոխանների եւ գործարարների հետ երկրորդ անգամ այցելել Հայաստան, իսկ անցյալ ամիս նա ներկայացրեց բանաձեւ՝ Կալիֆոռնիա-Հայաստան առեւտրի գրասենյակը վերաբացելու նպատակով։ Նա նաեւ այցելեց Արցախ։