Ամերիկայի Հայ Դատի հանձնախումբը ողջունում է Թուրքիային առեւտրային արտոնություններից զրկելու` Վաշինգտոնի քայլը

Ամերիկայի Հայ Դատի հանձնախումբը եւ Հույն-ամերիկյան ղեկավարման խորհուրդը համատեղ հայտարարությամբ ողջունել են Թուրքիային Արտոնությունների գլխավոր GSP-ի շրջանակում առեւտրային արտոնություններից զրկելու` Վաշինգտոնի մարտի 4-ի որոշումը` այն համարելով ամերիկյան շահերը պաշտպանող քայլ:

Վերոնշյալ երկու կազամակերպությունները աջակցում են Միացյալ Նահանգներ թուրքական արտահանումներին առավելություններ շնորհող «Նախապատվությունների ընդհանուր դրությունից» Թուրքիան դուրս հանելու քայլին, որը կարող է իր ազդեցությունն ունենալ մոտավորապես 1.7 միլիարդ դոլար արժեցող թուրքական արտահանումների վրա:

Նախագահ Թրամփն այս որոշման ընդունումը հիմնավորեց այն բանով, որ Թուրքիայի տնտեսությունը բավարար զարգացած է, և այժմ կարիք չկա նման աջակցության:

Նշենք, որ արտոնությունները գործում էին` 1975թ. սկսած:

Թուրքիայի առևտրի նախարար Ռուհսար Փեքջանը քննադատել է այս քայլը` ազդարարելով, որ այն վնաս է հասցնելու երկկողմանի առեւտուրը 75 միլիարդ դոլար հասցնելու ջանքներին: