Հայաստանն առանց Թուրքիայի և Ադրբեջանի հետ հարաբերությունների կարգավորման չի կարող իրականացնել տնտեսական հեղափոխություն. Մամեդյարով

Ադրբեջանի ԱԳ նախարար Էլմար Մամեդյարովը հնարավոր է համարում, որ ՀՀ վարչապետ Նիկոլ Փաշինյանը կարող է Իլհամ Ալիևի հետ հանդիպման ընթացքում բարձրաձայնել ցանկացած հարց. «Ես չգիտեմ, թե որն է լինելու առաջնահերթությունը (Արցախի բանակցություններին մասնակցելը շարունակվում է առաջնահերթ լինել ՀՀ վարչապետի պնդմանն ի պատասխան): Ակնհայտ է, որ նա կարող է ցանկացած հարց բարձրաձայնել: Բանակցությունների ձևաչափի վերաբերյալ Ադրբեջանի նախագահն արդեն հայտարարությամբ հանդես եկել է: Նույն հայտարարությունն արել է նաև ԵԱՀԿ-ն», - հաղորդում է interfax.az կայքը:

«Հայաստանի վարչապետը հայտարարել է տնտեսական հեղափոխության մասին: Թող այդպես լինի, բայց նա ամենաքիչը չորսից երկու պետությունների հետ փակ սահման ունի, գումարած խնդիրներ ունի մնացած երկուսի հետ: Սա, հավանաբար, հարաբերությունների կարգավորմանն ուղղված առաջին քայլն է համարվում: Բարիդրացիությունը շարունակում է մնալ միջազգային իրավունքի գլխավոր հիմքերից մեկը», - նշել է վերջինս:

Ադրբեջանի ԱԳՆ ղեկավարը նաև անդրադարձել է Նիկոլ Փաշինյանի` ժողովուրդներին խաղաղության նախապատրաստելու մասին հայտարարությանը. «Ադրբեջանի ժողովուրդը ես և դուք ենք, ես դեռևս չեմ զգացել դա: Գոյություն ունի Լեռնային Ղարաբաղի հայ և ադրբեջանական համայնք: Այս դեպքում պետք է նայենք` գործ ենք անում, թե զբաղվում ենք դատարկաբանությամբ»: