Կենսաբաններն առաջին անգամ նկարահանել են պարկամուկ խժռող ամազոնյան հսկա սարդի. National Geographic

Միչիգանի համալսարանի կենսաբանները առաջին անգամ տեսանկարահանել են պարկամուկ խժռող ամազոնյան թռչնակեր սարդի. հայտնում է National Geographic պարբերականը:

Միջատին նկատել են Պերուի ջունգլիներում, երբ այն արդեն բռնել էր որսը: Պարկամուկը մոտ 30 վայրկյան թույլ դիմադրել է, հետո դադարել է կյանքի նշաններ ցույց տալ և սատկել է: «Սարդը ափսեի մեծության էր `մոտ 30 սանտիմետր», - հավաստիացնում են ականատեսները:

Բացի պարկամկան վրա հարձակումից, հետազոտողները վավերացրել են ավելի քան տասնյակ դեպքեր, երբ ողնաշարավոր կենդանիները դարձել են անողնաշարավորների որսը: Մասնավորապես՝ նրանց հաջողվել է տեսանկարահանել օձեր, մողեսներ և երկկենցաղների թրթուրներ ուտող մի շարք անողնաշարավորների:

Ի տարբերություն սարդերի այլ տեսակների, թռչնակերները սարդոստայն չեն հյուսում, որսին դարանակալում են: Հաշվի առնելով ոտքերը` մեծահասակ առանձնյակների չափերը կարող են անցնել 27 սանտիմետրի: Թռչնակերները թունավոր են, սակայն նրանց թույնը մարդկանց համար վտանգավոր չէ: