Այն երկրները, որոնք ցանկանում են պահպանել Սիրիան, պետք է գործ ունենան Ասադի հետ. Պեսկով

ՌԴ նախագահի մամուլի խոսնակ Դմիտրի Պեսկովը թուրքական Hurriyet-ին տված հարցազրույցում ասել է, որ Սիրիայի օրինական նախագահը Բաշար Ասադն է, և այն երկրները, որոնք ցանկանում են պահպանել Սիրիան, պետք է գործ ունենան նրա հետ. հայտնում է РИА Новости-ն:

«Բաշար Ասադը Սիրիայի օրինական նախագահն է, նա այդ երկրի առաջնորդն է: Նա կարող է ձեզ դուր գալ կամ չգալ: Նա պետական առաջնորդ է, նա ունի ժողովուրդ, զինված ուժեր և հետախուզություն: Եթե ցանկանում եք  լինել այն երկրների շարքում, որոնք ցանկանում են փրկել Սիրիայի ճակատագիրը, ապա պետք է գործ ունենաք Ասադի հետ: Այլ ճանապարհ չկա»,-ասել է Պեսկովը:

Նա նաև հավելել է, որ արևմտյան երկրները մշտապես սխալներ են գործում, սակայն «մենք չպետք է նման սխալներ գործենք»:

«Եղել է (Լիբիայի նախագահ) Քադաֆին… Ասում էին, որ նա չարագործ է, հետո սպանեցին նրան: Այնուհետևա նրա հետ սպանվեց նրա երկիրը»,- հայտարարել է Պեկսովը: