Հյուսիս-հարավի «Տրանշ-1»-ում» և «Տրանշ 2»-ում լուրջ խնդիրներ են հայտնաբերվել. նախարար

Ծավալները, որոնցով առաջ էին գնում Հյուսիս-հարավ մայրուղու շինարարության աշխատանքները, տրանսպորտի, կապի և տեղեկատվական տեխնոլոգիաների նախարարության գործուն ջանքերի շնորհիվ եռապատկվել են. կառավարության այսօրվա արտահերթ նիստից հետո լրագրողներին ասաց նախարար Հակոբ Արշակյանը: «Ի սկզբանե աշխատանքները շատ դանդաղ են ընթացել, պրոցեսը հետ էր ընկել մինչև կառավարության փոփոխությունը: Մեր ջանքերը շարունակելու ենք, որ մինչև ստանձնած ժամկետը աշխատանքներն ավարտին մոտեցվեն», տեղեկացրեց նա:

Հարցին` ի՞նչ կոնկրետ խնդիրների պատճառով են «Տրանշ 2»-ի աշխատանքները դանդաղել, և դիտարկմանը, որ վարչապետ Նիկոլ Փաշինյանն իր ասուլիսներից մեկում խոստացել էր բացահայտումներ անել և անդրադառնալ Հյուսիս-հարավի չարաշահումներին, Արշակյանն արձագանքեց. «Տրանշ 1»-ում, նաև 2-ում որակի հետ կապված լուրջ խնդիրներ կան: Քանի որ հարցը Քննչական կոմիտեի իրավասության տակ է, գերադասելի չէ մեկնաբանել»: