Կրեմլը մեկնաբանել է Թրամփի «միջուկային» նախաձեռնությունը

ՌԴ նախագահի մամուլի խոսնակ Դմիտրի Պեսկովը հայտարարել է, որ երկիրն այլևս հանդես չի  գա նախաձեռնություններով Միջին և փոքր հեռահարության հրթիռների ոչնչացման մասին համաձայնագիրը փոխելու վերաբերյալ. հայտնում է Газета.ру-ն:

Նա նաև մեկնաբանել է ԱՄՆ նախագահ Դոնալդ Թրամփի հայտարարությունը նոր միջուկային համաձայնագիր ստորագրելու վերաբերյալ: Պեսկովը նշել է, որ չի կարող գնահատել Թրամփի այդ առաջարկի իրատեսական լինելը: «Մենք ամերիկյան կողմից չենք ստացել հստակ նախաձեռնություններ»,- ասել է նա:

Հիշեցնենք, որ նոր նախաձեռնություններով հանդես չգալու հրահանգ տվել է ՌԴ նախագահ Վլադիմիր Պուտինը:

Իսկ Թրամփը վերոհիշյալ միջուկային համաձայնագրից դուրս գալուց հետո հայտարարեց, որ հնարավոր է նոր համաձայնագիր կնքել ավելի մեծ թվով երկրների մասնակցությամբ` մասնավորապես նշելով Չինաստանը: