Կրեմլը մեկնաբանել է Զելենսկու հայտարարությունը «խաղաղության ծրագրի» վերաբերյալ

Վլադիմիր Զելենսկու համար դեռևս շոշափելի «խաղաղության ծրագիր» չկա, նույնիսկ Արևմուտքի համար։ Այս մասին ասել է ՌԴ նախագահի մամուլի քարտուղար Դմիտրի Պեսկովը, գրում է РИА Новости-ն։

«Այնտեղ ընդունման մասին խոսք չկա, ի՞նչ են ընդունելու։ Առայժմ շոշափելի ոչինչ չկա, նույնիսկ նրանց համար», - ասել է Պեսկովը լրագրողներին՝ պատասխանելով այն հարցին, թե Արևմուտքի կողմից Զելենսկու «խաղաղության պլանի» ընդունումը վտանգ կհանդիսանա Ռուսաստանի ինքնիշխանության համար:

Զելենսկին ավելի վաղ իր Telegram ալիքում հայտարարել էր, որ Ուկրաինայի, այսպես կոչված, «հաղթական պլանը» լիովին պատրաստված է։ Օգոստոսին նա պնդում էր, որ ծրագիրը ներառում է նաև «հզոր փաթեթ, որը ստիպելու է Ռուսաստանին դիվանագիտական ​​ճանապարհով ավարտել պատերազմը»: Ռուսաստանի Դաշնության նախագահի մամուլի քարտուղար Դմիտրի Պեսկովը, մեկնաբանելով Զելենսկու խոսքերը, նշել է, որ Մոսկվան գիտակցում է Կիևի ռեժիմի էությունը, շարունակում է իր գործունեությունը և հասնելու է իր բոլոր նպատակներին։