Փաշինյանը «Դոյչե Վելե»-ի հետ զրույցում ասել է` ինչու Պուտինը չի միջամտել հեղափոխությանը

ՀՀ  վարչապետ Նիկոլ Փաշինյանը հարցազրույց է տվել գերմանական «Դոյչե Վելե»-ին՝ խոսելով նաև  «թավշյա հեղափոխությանը» ՌԴ-ի չմիջամտելու մասին:

Լրագրողը հետաքրքվել է` ինչո՞ւ ՌԴ նախագահը, որը չի սիրում հեղափոխություններ,  Հայաստանում տեղի ունեցած հեղափոխության նկատմամբ բավականին հանդուրժող և չեզոք է եղել:

«Գիտեք`  հեղափոխությունում որևէ օտարերկրյա ուժի միջամտություն չկար: Դա զուտ ներհայաստանյան քաղաքական գործընթաց էր: Եվ կարող եմ ասել, որ ոչ մի արտաքին ուժ մեր ներքին գործընթացներում ներգրավվելու հնարավորություն չուներ»,- ասել է Փաշինյանը՝ ընդգծելով, որ այդ օրերին, ինչպես և հիմա, հայ ժողովուրդը միասնական է եղել: