Եվգենի Կիսինը New York Times-ի հետ զրույցում ասել է, որ երաժիշտները պետք է հրաժարվեն ելույթ ունենալ Թուրքիայում

Դեկտեմբերի 13-ին New York Times-ը հրապարակել է հարցազրույց Եվգենի Կիսինի հետ: Երաժիշտը ևս մեկ անգամ անդրադարձել է Թուրքիայի կողմից Հայոց ցեղասպանության ճանաչման հարցին` մասնավորապես նշելով, որ ելույթ չի ունենա Թուրքիայում, քանի դեռ նրանց կառավարությունը չի ճանաչել 1915 թվականի` հայերի զանգվածային կոտորածները որպես ցեղասպանություն:

«Իմ անձնական համոզմունքն է, որ եթե  երաժիշտներից շատերը հրաժարվեն ելույթ ունենալ  Թուրքիայում, այնտեղ կհասկանան, որ ժողովուրդը  տուժում է իր ղեկավարների արարքներից, ինչն էլ կխթանի կիրթ մտածելակերպով մարդկանց առավել տեղեկացվածությունը»,- ասել է Կիսինը:

Նա նշել է նաև, որ արդեն վեց տարի է, ինչ ելույթ չի ունեցել Ռուսաստանում, սակայն հնարարավոր է, որ այնտեղ հանդես գա 2017-ին:

Եվգենի Կիսինը, վերջին երեք տարիների ընթացքում երկու անգամ Հայասատն է ժամանել (2012թ., 2015թ.) մենահամերգային մեծ ծրագրով, ինչպես նաև խոշոր բարեգործական նախաձեռնություններով: