Բոլորն էլ կարող են ԱԺ-ում կուսակցական հավաքներ անել. ԱԺ փոխնախագահ

Ազգային ժողովի փոխնախագահ Ալեն Սիմոնյանն այսօր լրագրողներին վստահեցրեց` եթե Հանրապետական կուսակցությունը մի օր ցանկանա քննարկում անցկացնել Ազգային ժողովում, ապա որևէ խոչընդոտի չի հանդիպի:

«ԱԺ ղեկավարությունը դահիճը կտրամադրի նրանց: Այլ խնդիր է՝ արդյո՞ք նրանք կկարողանան 132 մարդ հավաքել՝ դահլիճ լցնելու համար, թե ՞ոչ»,- նշեց նա:

Հարցին` նորմա՞լ է համարում, որ որևէ կուսակցություն ԱԺ շենքում նիստեր անցկացնի, Ալեն Սիմոնյանը պատասխանեց. «Նորմալ է, և եթե որեւէ կուսակցություն այդ հարցով դիմի ԱԺ նախագահին, ԱԺ նախագահը պարտավոր է դահլիճ տրամադրել, որովհետև այդ դահլիճը չի պատկանում մեկ կամ երկու կուսակցությունների, ՀՀ սեփականությունն է»: