Մեդալների հանձնման արարողություն Իտալիայում Հայաստանի դեսպանությունում

Հունվարի 29-ին Իտալիայում Հայաստանի դեսպանությունում տեղի ունեցավ Միլանում ՀՀ պատվավոր հյուպատոս Պիետրո Քուչուկյանին և Իտալիայի քաղաքացիական պաշտպանության դեպարտամենտի առաքելության ղեկավար Մասիմո Մարիո Սիմոնելիին (Mario Massimo Simonelli) Սպիտակի երկրաշարժի 30-րդ տարելիցին նվիրված միջոցառումների կապակցությամբ ՀՀ արտակարգ իրավիճակների նախարարության Համագործակցություն, Փրկություն մեդալների հանձնման հանդիսավոր արարողությունը:

Իր խոսքում դեսպան Վիկտորյա Բաղդասարյանը հայ ժողովրդի անունից ևս մեկ անգամ շնորհակալություն հայտնեց Իտալիայի կառավարությանը, իտալացի փրկարարներին, հայ համայնքի ներկայացուցիչներին 30 տարի առաջ ցուցաբերած նշանակալի օգնության համար:

Արարողությանը մասնակցում էին նաև Սպիտակի երկրաշարժից հետո փրկարարական և վերակառուցման աշխատանքներին մասնակցած այլ իտալացի փրկարարներ: