Ոչ մի բանից թող չվախենան, մենք ուժեղ ենք. Յուրի Խաչատուրովը` զինվորներին

Այսօր Բանակի կազմավորվան 27-րդ տարեդարձի առթիվ հանդիսավոր արարողությանը մասնակցելու նպատակով «Դվին» հյուրանոց էր ժամանել ՀՀ ԳՇ նախկին պետ, ՀԱՊԿ նախկին քարտուղարի Յուրի Խաչատուրովը: Լրագրողների հարցին, թե ինչ կմաղթի զինվորներին, նա պատասխանեց.

«Առողջություն, հաղթանակ, ուրիշ ոչինչ, և թող ոչ մի բանից չվախենան: Մենք ուժեղ ենք»:

Այլ հարցերի նա չպատասխանեց: Նրան դիմավորեց պաշտպանության նախարար Դավիթ Տոնոյանը:

Հիշեցնենք, որ «Մարտի 1»-ի գործով Յուրի Խաչատուրովին 2018թ. հուլիսի 26-ին մեղադրանք էր առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը: