Ահաբեկչության հետ կապի մեղադրանքով Թուրքիայում 33․000 քաղաքացի է բանտարկվել

«Արդարություն տուժածների համար» միությունը Թուրքիայում ուսումնասիրել է արտակարգ դրության ռեժիմի պայմաններում գրանցված իրավախախտումները և այդ մասին զեկույց հրապարակել։

Ըստ Diken-ի` 2018 թվականի օգոստոսի 2-ից սեպտեմբերի 23-ն ընկած ժամանակահատվածում միությունը  հարցումներ է անցկացրել ռեժիմից տուժած 3․776 քաղաքացու շրջանում: Արդյունքում` հայտնի է դարձել, որ արտակարգ դրության ռեժիմի պայմաններում դատական վարույթ է իրականացվել շուրջ 446.000 քաղաղացու նկատմամբ, իսկ 33.000 մարդ հայտնվել է բանտերում` Թուրքիայում ահաբեկչական համարվող Գյուլենական խմբավորման անդամ լինելու կամ հեղաշրջման փորձին մասնակցելու  մեղադրանքով:

Երկրում հաստատված արտակարգ դրության պատճառով տուժածների 67․8 տոկոսը համոզված է` բանտերի աշխատակիցները բանտարկյալների նկատմամբ մարդկային վերաբերմունք չեն ցուցաբերում։

Զեկույցում ուշագրավ տեղեկություն է տեղ գտել` ներկայումս Թուրքիայի բանտերում  մինչև 2 տարեկան առնվազն 700 երեխա է գտնվում։