ԱԺ փոխխոսնակներն ընտրվեցին

Ավարտվեց ԱԺ փոխխոսնակների ընտրությունը: Փակ, գաղտնի քվեարկությունը տևեց մեկ ժամ: Թեկնածուներն էին Ալեն Սիմոնյանը, Լենա Նազարյանը, Վահե Էնֆիաջյանը, Մանե Թանդիլյանը: Քվեարկությանը մասնակցել է 132 պատգամավորներից 130-ը:

«Իմ քայլը» խմբակցության թեկնածուներից Ալեն Սիմոնյանի օգտին քվեարկել է 109 պատգամավոր, դեմ` 20: 1 քվե անվավեր է եղել:

Լենա Նազարյանի օգտին քվեարկել է 124 պատգամավոր, դեմ` 3-ը: 3 քվեարթերթիկ անվավեր է ճանաչվել:

Ընդդիմադիր թեկնածուներից Վահե Էնֆիաջյանի օգտին քվեարկել է 108 պատգամավոր, իսկ Մանե Թանդիլյանի օգտին` 19-ը: 3 քվեաթերթիկ անվավեր է ճանաչվել:

Այսպիսով` ԱԺ փոխնախագահներ են ընտրվել Ալեն Սիմոնյանը, Լենա Նազարյանը և Վահե Էնֆիաջյանը: