ԱԺ փոխնախագահներն ընտրվեցին

Խորհրդարանը փակ, գաղտնի քվեարկությամբ ընտրեց ԱԺ փոխնախագահներին: Թեկնածուները երեքն էին` ՀՀԿ-ից Արփինե Հովհաննիսյանը և Էդուարդ Շարմազանովը, «Ծառուկյան» դաշինքից Միքայել Մելքումյանը:

Հաշվիչ հանձնաժողովի նախագահ Գագիկ Մելիքյանը ներկայացրեց քվեների արդյունքները, ըստ որոնց` Էդուարդ Շարմազանովի օգտին ներկա 100 պատգամավորներից կողմ է քվեարկել 84-ը, դեմ՝ 13, անվավեր է եղել 3 քվե:

Արփինե Հովհաննիսյանի օգտին նիստին ներկա 100 պատգամավորների քվեներից 5-ն է անվավեր եղել, 73-ը` կողմ, դեմ` 22-ը:

«Ծառուկյան» դաշինքից ԱԺ նախագահի տեղակալի թեկնածու Միքայել Մելքումյանին կողմ է քվեարկել պատգամավորներից 65-ը, դեմ` 29-ը, անվավեր է եղել 6 քվե:

Նշենք, որ երեք թեկնածուներն էլ ընտրվեցին ԱԺ նախագահի տեղակալներ: