ՌԴ ՊՆ-ն թաքցրել է Սիրիայում հայ զինվորի զոհվելու մասին տեղեկությունը. BBC-ի ռուսական ծառայություն

BBC-ի ռուսական ծառայությունը նյութ է հրապարակել, որում ասվում է, թե 2018-ի  նոյեմբերի 2-ին Սիրիայում զոհվել է ՌԴ ՊՆ կրտսեր սերժանտ Անդրանիկ Առուստամյանը, սակայն նրա մահվան մասին լուրը ՊՆ-ն չի հայտնել:

Պաշտոնական վարկածի համաձայն՝ կրտսեր սերժանտը զոհվել է Դեր Զորում՝ Աշ Շուլայում, հակատանկային ականների պայթյունից, սակայն հարազատները կասկածանքով են վերաբերվում այդ վարկածին:

Հաղորդվում է, որ նոյեմբերի 4-ին  Սիրիայում տեղի ունեցած պայթյունի ու դրա հետևանքով ՌԴ  6 քաղաքսցու հնարավոր մահվան մասին առաջինը հայտնել էր Новая газета-ն, սակայն Федеральное агентство новостей-ը տեղեկությունը «ֆեյք» էր որակել:

ՌԴ ՊՆ-ն և Սիրիայում ռուսական զորքերի հրամանատարությունը տվյալ լուրը որևէ կերպ չեն մեկնաբանել: ՌԴ ՊՆ-ն վերջին անգամ Սիրիայում կրած կորուստների մասին հայտնել էր սեպտեմբերի 17-ին, երբ սիրիական ՀՕՊ համակարգերը սխալմամբ խոցել էին Իլ-20-ը:

Նշվում է, որ ինչ-ինչ պատճառներով որոշում է կայացվել Առուստամյանի մահվան լուրը չհրապարակել: Որքան մարդ կարող էր զոհվել Անդրանիկի հետ այդ օրը, նրա հարազատները չգիտեն:

Հաղորդվում է նաև, որ Սիրիա մեկնելու պայմանագիրը ստորագրելիս Առուստամյանը ցանկանում էր գումար վաստակել նոր տան  և հոր բուժման համար: