ԱՄՆ Սենատում արգելափակել են ՌԴ-ի, Սիրիայի և Իրանի դեմ պատժամիջոցների մասին օրենքը

ԱՄՆ Սենատին չի հաջողվել քվեարկություն անցկացնել Սիրիայի կառավարությանն օգնություն ցուցաբերելու համար պատժամիջոցների սահմանում ենթադրող օրինագծի հաստատման հարցով. հայտնում է РИА Новости-ն:

Փաստաթղթին աջակցություն է հայտնել սենատորների 2/3-րդից էլ քիչ մասը: Մինչդեռ դեմոկրատները նախապես հայտարարել էին, որ չեն պատրաստվում հավանություն տալ որևէ օրինագծի, որն ուղղված չէ «շաթդաունի» (կառավարության աշխատանքի դադարեցում) վերացմանը: Արդյունքում` օրինագծի հետագա քննարկմանը կողմ է արտահայտվել ընդամենը 56 սենատոր, սակայն հարկավոր էր 60-ի համաձայնությունը:

Հիշեցնենք, որ ԱՄՆ դաշնային գերատեսչությունների մի մասը դեկտեմբերի 22-ից չի աշխատում կամ աշխատում է սահմանափակումներով` բյուջեի բացակայության պատճառով: Թրամփը պահանջում է 5,6 մլրդ դոլար հատկացնել Մեքսիկայի հետ սահմանին  պատի կառուցման համար, դեմոկրատները դեմ են: