Ես երբեք չեմ գնացել Իսրայել. Էրդողանի փեսան փորձել է արդարանալ

Թուրքիայի նախագահ Ռեջեփ Թայիփ Էրդողանի փեսան` երկրի գանձերի և ֆինանսների նախարար Բերաթ Ալբայրաքը, Twitter-ի իր էջում պարզաբանումներ է արել իր հասցեին հնչեցվող մեղադրանքների մասին:

Ըստ Demokrathaber-ի` ընդդիմադիր Ժողովրդահանրապետական կուսակցության ղեկավար Քեմալ Քըլըչդարօղլուն, դիմելով Էրդողանին, հարցրել է, թե ինչով են պայմանավորված Իսրայելի և նրա վարչապետ Նեթանյահուի դեմ տրամադրությունները, այն դեպքում,  երբ Էրդողանի փեսան գործուղվել է Իսրայել:  

«Քըլըչդարօղլուն հայտարարել է, որ հարգելի նախագահն ինձ գործուղել է Իսրայել: Ես կյանքում չեմ եղել Իսրայելում: Մենք զզվել ենք այս ստերից»,- գրել է Ալբայրաքը: