2008-2009-ի հանրահավաքների լուսանկարներ են. Շահնազարյանը՝ դստեր` Փաշինյանի կողքին լինելու մասին

Ոստիկանությունը պարալիզացված է, քիչ առաջ  տեսա, որ այն բնակարանում, որտեղ ես  գրանցված եմ, անհայտ մարդ է ավելացվել. լրագրողների հետ զրույցում ասաց ՀՀԿ ցուցակով պատգամավորության թեկնածու առաջադրված Դավիթ Շահնազարյանը: «Դրանով են զբաղված, պատկերացրեք, թե ուրիշի հասցեներում ինչեր են կատարվում»,- հավելեց նա:

Անդրադառնալով իր և ընտանիքի անդամների մասին մամուլի հրապարակումներին` Դավիթ Շահնազարյանը նշեց, որ դրանք ստոր ստեր են: «Նիկոլ Փաշինյանի հրահանգով շատ ստոր ստեր տարածվեցին իմ և ընտանիքիս անդամների մասին, որոնցից մի մասը հերքել եմ և  ասել՝ բոլորն եմ հերքում: Հրապարակումներից մեկում նշված էր, թե իմ դուստրը Փաշինյանի և նրա կնոջ հետ հարաբերություններ ունի: Առաջինը՝ եթե ունի, ի՞նչ կապ ունի դա քաղաքականության հետ: Երկրորդ՝ այդ լուսանկարները, որոնք հրապարակվել էին, 2008-2009 թվականների հանրահավաքների ժամանակ արված  լուսանկարներ են»,- պարզաբանեց նա: