Դեկտեմբերի 9-ին պարզվելու է, որ նույնիսկ Աշոտյանի տնեցիք իրենց օգտին չեն քվեարկել. Փաշինյան

Այս սև պաստառներով ի՞նչ եք ուզում ասել` իբր Հայաստանում սո՞ւգ է. Արթիկում քարոզարշավի ժամանակ ասաց ՀՀ վարչապետի պաշտոնակատար Նիկոլ Փաշինյանը` անդրադառնալով ՀՀԿ-ի պաստառներին:

Նա նշեց, որ հեղափոխության օրերին իրենց էին մեղադրում, որ փողոցներում սև ժապավեններ էին փակցնում և գրում` «Շարմազանով 44»: Փաշինյանի խոսքով` իրենք ոչ մի կապ չեն ունեցել այդ պաստառների հետ:

«Իսկ հիմա գրել եք «Շարմազանով 2018», «Վիգեն Սարգսյան 2018»: Ձեր սև պաստառներով եթե նկատի եք ունեցել, որ ձեր քաղաքական մահն է արձանագրվելու այս ընտրությւոններում, ուրեմն`առաջին անգամ իրավիճակը գնահատել եք սթափ և իրական: Աշոտյանն այսօր ասել է, որ դեկտեմբերի 9-ին անակնկալ է լինելու, և այո, ես գիտեմ` ինչ անակնկալ է սպասվում. դեկտեմբերի 9-ին պարզվելու է, որ նույնիսկ տնեցիք իրենց օգտին չեն քվեարկելու»,- ասաց Փաշինյանը: