«Ռուսաստան` օկուպանտ». Ուկրաինայի քաղաքներում բողոքի ակցիաներ են

Ուկրաինայի Կիև, Լվով և Խարկով քաղաքներում բողոքի ակցիաներ են ընդդեմ ՌԴ-ի` Կերչի նեղուցում գործողությունների. հայտնում է Корреспондент-ը:

Կիևում ՌԴ դեսպանատնից ոչ հեռու դիվանագիտական համարանիշերով մեքենա է այրվել:  

Լվովում ՌԴ հյուպատոսության մոտ ցուցարարներն անվադողեր են այրել, Խարկովում պաստառներ բերել` «Խարկովը  Ռուսաստան չէ», «Ռուսաստան` օկուպանտ», «Դոնեցկը Ուկրաինա չէ» գրառումներով:

Երեկ ուկրաինական մի քանի նավեր հատել են ՌԴ-ի սահմանը: Դրանք մտել են ռուսական` ժամանակավորապես փակ ջրատարածք և չեն ենթարկվել ռուսական կողմի նախազգուշացումներին: Ռուսական կողմը կրակ է բացել, վիրավորվել է 3 ուկրաինացի զինվորական, նրանց բժշկական օգնություն են ցույց տվել, կյանքին սպառնացող վտանգ չկա: Նավերը ձերբակալվել են:

ՌԴ-ն քրեական գործ է հարուցել և ՄԱԿ-ի Անվտանգության խորհրդի շտապ նիստ հրավիրել Ազովի ծովում ստեղծված իրավիճակի հետ կապված:

Ուկրաինան կատարվածից հետո ռազմական դրություն հայտարարելու մասին որոշում է կայացրել: