Զանգվածային բողոքի ակցիաներ պետք է սկսվեն Վրաստանի բոլոր քաղաքներում և շրջաններում. վրացական ընդդիմության առաջնորդ

Զանգվածային, ժողովրդական բողոքի ակցիաները պետք է սկսվեն Վրաստանի բոլոր քաղաքներում և շրջաններում. հայտարարել է վրացական գլխավոր ընդդիմադիր «Միացյալ ազգային շարժման» առաջնորդներից Լևան Խաբեիշվիլին։

Նրա խոսքով՝ երկրում թանկացումների ֆոնին, կարեւորվում է համաժողովրդական բողոքը։

«Երբ մայրաքաղաքում թանկացել են կոմունալ վճարները, էլեկտրաէներգիան, գազը, վառելիքը, հասարակական տրանսպորտը, թանկացել են առաջին անհրաժեշտության ապրանքներն ու դեղերը, շատ կարևոր է ժողովրդական մեծ բողոքն ու համաժողովրդական շարժումը, որի զոհը, բառիս բուն իմաստով, կլինի ռուս օլիգարխը և նրա քրեական իշխանությունները»,- ասել է Խաբեիշվիլին։